الجرس صار في جوال العميل
العميل يصوّر كود عند الكاشير: يوصله إيصاله، يرن جواله أول ما يجهز طلبه، وينضاف له ختم في بطاقة ولاء باسم محلك وشعارك. بدون تطبيق وبدون أجهزة.
يشتغل على أي جهاز فيه متصفح: آيباد، جوال، أو كمبيوتر الكاشير.
ثلاث خطوات، وكلها من شاشة الكاشير
- تصدر الطلب
تكتب الطلب والمبلغ وتضغط «أصدر الطلب». يطلع كود QR برقم الطلب.
- العميل يصوّر الكود
تفتح له صفحة فيها إيصاله، يضغط «تابع طلبي» ويقفل جواله. يشوف دائرة حمراء على شاشة القفل.
- تضغط «جاهز»
جوال العميل يرن والدائرة تصير خضراء. يجي ياخذ طلبه، وتضغط «تم التسليم».
بطاقة ولاء أنت تتحكم فيها
تحدد كم ختم، ووش الجائزة: قهوة مجانية بعد ست زيارات، أو حلى بعد خمس. تبي نقاط على كل ريال؟ فعّلها وحط جوائزها. العميل يسجل برقم جواله مرة وحدة، وكل طلب بعدها ينحسب له تلقائياً.
- ختم واحد باليوم أو ختم لكل طلب، على كيفك
- الجائزة تنصرف برمز يطلع عندك في شاشة الكاشير
- تشوف عملاءك: من يرجع، وكم زيارة
قهوة مجانية4 من 6
وش توفّر
طقم 16 جهاز يكلف تقريباً 574 إلى 749 ريال، ويضيع منه ويخرب. مع جرس ما تحتاج ولا جهاز.
الإيصال يوصل العميل على جواله مع الضريبة والإجمالي، فيقل الورق اللي ينطبع وينرمى.
العميل يقعد مرتاح بدل ما يوقف ينتظر اسمه. وما تحتاج تنادي بصوت عالي.
أسعار البيجر من متاجر سعودية وقت كتابة الصفحة، وتختلف حسب المورد.
سعر واحد لكل فرع
أو 790 ريال سنوياً (شهرين مجاناً). الأسعار قبل ضريبة القيمة المضافة.
ابدأ التجربة المجانية كلّمنا واتساب- طلبات بلا حد
- كاشير بمنتجاتك وأسعارك + شاشة كود للعميل
- صفحة العميل باسم محلك وشعارك ولونك
- بطاقة أختام ونقاط وجوائز تتحكم فيها
- تجربة 14 يوم بدون بطاقة
أسئلة تتكرر
هل العميل يحتاج ينزّل تطبيق؟
لا. يصوّر الكود بكاميرا جواله وتفتح له صفحة في المتصفح.
يشتغل على آيفون وأندرويد؟
يشتغل على أي جوال فيه متصفح حديث. في الآيفون يطلع الطلب على شاشة القفل كبطاقة تشغيل. لازم العميل يضغط «تابع طلبي» وما يقفل الصفحة، والأفضل ما يكون الجوال على الصامت.
هل يغني عن الفاتورة الضريبية؟
لا. جرس يعرض إيصال الطلب للعميل، والفاتورة الضريبية الرسمية تبقى من نظام نقاط البيع اللي عندك. جرس يشتغل جنبه.
وش أحتاج عشان أبدأ؟
إنترنت، وجهاز للكاشير. ولو تبي شاشة كود تواجه العميل، أي آيباد أو جوال قديم يكفي.
كيف العميل يجمع الأختام؟
أول مرة يكتب رقم جواله ورمز سري من 4 أرقام. بعدها كل ما صوّر كود طلبه ينضاف الختم لحاله. وإذا كمّل البطاقة يضغط «استخدم جائزتي» ويطلع رمز عندك في الكاشير.
عندي أكثر من فرع؟
كل فرع له حساب دخول خاص فيه، والسعر لكل فرع.